Venesuela Rusiyadan idxal olunan avtomobil detalları və ehtiyyat hissələrinə görə ödənişi özünün "petro" kriptovalyutası ilə həyata keçirməyi planlaşdırır.

Trend-in məlumatına görə, bunu ölkənin xarici ticarət naziri Xose Vielma Mora bildirib.

Onun sözlərinə görə, Karakasda keçirilən Hökumətlərarası Komissiyanın iclasında Rusiyanın "KamAZ"ı ilə alyans müzakirə olunub.

"Bu, detal və ehtiyyar hissələri, təkərlər və akkumulyatorlar, həmçinin avtomobillərin bizim ölkəmizdə yığılması və bizim kriptovalyuta, "petro"nu da daxil etdiyimiz ödəniş növlərinə aiddir", deyə nazir qeyd edib.