2017-ci ildə 11 min terror aktı törədilib, nəticədə 25 min nəfər ölüb, terror aktlarından dəyən iqtisadi ziyanın həcmi 90 mlrd. dollar təşkil edib. APA-nın “RİA Novosti”yə istinadən verdiyi xəbərə görə, bu barədə BMT baş katibinin müavini, təşkilatın terrorla mübarizə idarəsinin direktoru Vladimir Voronkov bildirib.

“2017-ci ildə dünyada 11 min terakt törədilib, nəticədə 25 min insan ölüb, 33 min nəfər yaralanıb. Terrorizmdən dəymiş ziyanın həcmi 90 mlrd. dollardan çoxdur. Bu ciddi qlobal təhlükədir”, - deyə Vladimir Voronkov qeyd edib.