Rusiyada vətəndaşlıq alan əcnəbilərin sayı 3 dəfəyə yaxın artıb.

Cebhe.info Rusiya mətbuatına istinadən bildirir ki, artım 2012-2017-ci illəri əhatə edib. DİN-nin məlumatına görə, bu rəqəm 95 737-dən 257 822-yə yüksəlib. Xüsusilə Ukrayna, Qazaxıstan, Tacikistan, Ermənistan və Özbəkistandan gedərək vətəndaşlıq alanların sayında ciddi artım olub.

2017-ci ildə Rusiya pasportu alanlar arasında ilk yeri ukraynalılar tutub- 85119 nəfər. Bu usə 5 il əvvəlki göstəricidən 7 dəfə artıqdır.

İkinci yerdə Qazaxıstandan gələnlər dayanır- 40718 nəfər. 5 il əvvəl rusiyalı olan qazaxıstanlıların sayı cəmi 14585 nəfər olmuşdu.

Üçüncü yeri Tacikistandan gedənlər tutur. Rusiya vətəndaşlığı alan taciklərin sayı 29 039-a çatıb. 5 il əvvəl bu rəqəm cəmi 9773 nəfər idi.

İlk beşliyə daxil olanErmənistandan Rusiyada vətəndaşlıq alanların sayı 25 144, Özbəkistandan isə 23 334 nəfər təşkil edib.