Rusiya prezidenti Vladimir Putinin inauqurasiyası onun kortejinin Moskova küçələrindən ənənəvi keçidi olmadan baş tuta bilər.

Oxu.Az xəbər verir ki, bununla bağlı “RİA Novosti” agentliyi məlumat yayıb.

Qeyd edilib ki, inauqurasiyanın yekun ssenarisi hələ təsdiqlənməyib. Proqramın yaxın vaxtlarda razılaşdırılması gözlənilir.

Ötən inauqurasiya zamanı Putin Kremlə Federal Mühafizə Xidmətinin fəxri mühafizə dəstəsinin müşayiəti ilə gəlmişdi.

Xatırladaq ki, aprelin 18-də yayılan məlumatlarda prezidentin “Kortej” lahiyəsi üzərində hazırlanan avtomobildə gəzəcəyi açıqlanmışdı.

Rusiya prezidentinin inauqurasiyası mayın 7-nə planlaşdırılıb.