ABŞ-ın Havay ştatında 6,9 bal gücündə zəlzələ baş verib.



APA-nın xəbərinə görə, bu barədə Avropa və Aralıq dənizi Seysmoloji Mərkəzin (EMSC) məlumatında bildirilir.



Yeraltı təkanların episentri Havay Paradiz Park yaşayış məntəqəsindən 25 km cənub-qərbdə, ocağı 5 km dərinlikdə yerləşib.


Məlumata görə, zəlzələdən sonra bölgədə ardıcıl 20-dək yeraltı təkan qeydə alınıb.



Dağıntı və zərərçəkənlər barədə məlumat daxil olmayıb.



Qeyd edək ki, mayın 4-də Havay adalarında Kilaueya vulkanının puskürməsi ilə əlaqədar təcili təxliyə elan edilib.



***


02:31



Havay adalarında 5,3 bal gücündə zəlzələ baş verib.



APA-nın məlumatına görə, bu barədə “ABC News” ABŞ-ın Geoloji Xidmətinə istinadən xəbər verib.



Məlumata görə, zəlzələdən sonra qısa müddət ərzində 3,0-4,2 maqnitudalı bir neçə təkan qeydə alınıb.



Dağıntı və zərərçəkənlər barədə məlumat daxil olmayıb.