Rusiya və ABŞ-ın hərbi təyyarələri Alyaskada üz-üzə gəlib.

Axar.az xəbər verir ki, bu barədə məlumatı Şimali Amerika Aerokosmik Müdafiə Komandanlığı (NORAD) yayıb.

Məlumata görə, iki bombardmançı Tu-95 təyyarəsi Alyaskanın qərbinə daxil olub. ABŞ-ın F-22 qırıcıları Rusiya təyyarələrini bölgəni tərk edənə qədər izləyib.

Rusiya Müdafiə Nazirliyi isə təyyarələrinin beynəlxalq sularda planlı ucuş həyata keçirdiyini bildirib. Tu-95 qırıcılarını MiQ-31 və Su-35 döyüş təyyarələrinin izlədiyini bildirən nazirlik F-22 ilə Tu-95 arasında məsafənin 100 metrdən az olmadığını qeyd edib.