İranda sosial, iqtisadi və siyasi dəyişiklik olmalıdır. Buradakı rejimin dağılması qaçılmazdır və qələbə mütləqdir. İran tezliklə azadlığa qovuşacaq. Mövcud rejim devrilmək üzrədir.

Axar.az xəbər verir ki, bu sözləri İran Müqavimət Şurasının sədri Məryəm Rəcavi deyib.

“İranda hökumətin zəiflədiyinə dair sübutlar var. Birincisi, gənclər qorxmadan, tərəddüd etmədən ayağa qalxıb. İkincisi, rejimin təzyiqlərinə rəğmən, iş yerlərində etirazlar davam edir. Üçüncüsü, qiymətlər qalxır, yoxsulluq dərinləşir və rejim buna əncam çəkə bilmir", - o bildirib.

Rəcavi ABŞ sanksiyalarının İran hökumətini daha ağır vəziyyətə saldığını deyib:

“Rejimin süqutundan sonra altı aylıq müvəqqəti hökumət qurulacaq. Bu müvəqqəti hökumətin əsas vəzifəsi İranda azad seçkilər keçirmək üçün məclis yaratmaq olacaq. Sonra yeni bir konstitusiya hazırlanacaq və İran xalqının razılığı üçün referendum keçiriləcək. Bununla da yeni respublika yaradılacaq”.