Serbiya prezidenti Aleksandr Vuçiç Avropa İttifaqının (Aİ) məmurlarını tənqid edib.

"Report" xəbər verir ki, bu barədə RİA "Novosti" məlumat yayıb.

O, bildirib ki, Avropa Birliyi məmurlarının Kosovo ətrafında vəziyyətlə əlaqədar mövqeyi ikiüzlülükdür.

"Bütün tərəfləri təmkinli olmağa çağırırlar. Nədən təmkinli olmaq? Bax, mənim Avropa İttifaqına sualım budur", - deyə Vuçiç bildirib.

Prezidentin sözlərinə görə, o, başa düşə bilmir ki, serblər albanlara nə edib. Vuçiç iddia edib ki, albanlar əldə edilmiş bütün razılaşmaları pozub.

O, həmçinin əlavə edib ki, Aİ məmurları heç olmasa riyakarlıqdan çəkinməlidirlər.