İŞİD terror təşkilatı lideri Əbu-Bəkr əl-Bağdadinin kiçik oğlu Rusiya təyyarələrinin hava zərbələri nəticəsində ölüb.

SalamNews əl-Ərəbiyyə telekanalına istinadla xəbər verir ki, bu barədə Britaniyanın Daily-Mail qəzeti məlumat verib.

İraq Ordusunun komandiri Cabbar əl-Məmurinin verdiyi məlumatlara istinad edən qəzet bu gün dərc etdiyi xəbərdə bildirib ki, 22 sentyabrda Rusiya təyyarələrinin Suriyaya hava zərbələri nəticəsində əl-Bağdadinin kiçik oğlu ölüb.

Qeyd edək ki, ötən iyul ayında əl-Bağdadının digər oğlu Hüzeyfə əl-Bədrinin ölməsi haqda xəbərlər yayılmışdı. O zaman bildirilib ki, Hüzeyfə əl-Bədri Homs əyalətində elektrik stansiyasına endirilən hava zərbəsi zamanı məhv edilib.

Qeyd edək ki, Əbu-Bəkr əl-Bağdadinin (İbrahim Əvvad İbrahim Əli əl-Bədri əs-Samirrai) özünün öldürülməsi haqda bir neçə dəfə xəbərlər yayılıb. Lakin onların heç biri rəsmi təsdiqini tapmayıb.