Bağdadın Ağır Cinayətlər Məhkəməsi İŞİD üzvlərinə hərbi təlim keçən sabiq hərbçi haqda edam hökmü çıxarıb.

Teref.az SalamNews-a istinadən xəbər verir ki, bu barədə İraqın Sumariya Agentliyi məlumat verib.

Bildirilib ki, edama məhkum edilən sabiq ordu hərbçisi Mosul zəbt edilən zaman İŞİD sıralarında döyüşdüyünü, İŞİD üzvlərinə hərbi təlim keçdiyini və silah-sursatların İŞİD-in ön cəbhələrinə çatdırdığı haqda ciddi etiraflar edib.

Həmçinin edama məhkum edilən sabiq hərbçinin istintaqında məlum olub ki, Mosul və ətrafı zəbt edilən zaman, orduya aid silah-sursatın bir qismini o aşkarlayaraq, İŞİD-ə göstərib.

Qeyd edək ki, İraqın Cinayət Məcəlləsinin terrorla mübarizə haqda qanununun 4-cü maddəsi terror törədənlərin habelə ona yardım edənlərin edama məhkum edilməsini tələb edir.