Ukraynanın paytaxtı Kiyevdə 14 oktyabr tarixində neo-nasistlarin marşı baş tutacaq.

Axar.az “Reqnum”a istinadən xəbər verir ki, keçiriləcək marşda “Azadlıq”, “Milliyyətçi korpus”, “Sağ sektor”, “Ukraynalı milliyyətçilərin Konqresi”, “Ukraynalı milliyyətçilərin təşkilatı”, “C14” və digər bu kimi radikal milliyyətçi blok və təşkilatların iştirak edəcəyi gözlənilir.

Məlumata görə, marş yerli vaxtla 16:00-da Şevçenko Universitetinin qarşısında baş tutacaq. Daha sonra iştirakçılar şəhərin mərkəzinə - Maydana doğru hərəkət edəcək və Ukrayna Üsyançı Ordusunun marşının oxunması üzrə rekordun qırılmasına cəhd göstərəcəklər.

Bundan əlavə, bildirilir ki, milliyyətçilər həmin tarixdə Ukraynada müqəddəs provaslav kilsələrə - Kiyev-Peçerski və Poçayevsku-Lavra hücum təşkil edəcəklər.