Kəlbəcər rayon Təhsil Şöbəsində baş verən özbaşınalıq, qanunsuzluq, neqativ hallar barədə sosial şəbəkələrdə yetərincə məlumatlar və görüntülər ictimailəşib.
Belə ki, bunlardan biri də Kəlbəcər 2 saylı məktəbdə sinif açmaq üçün pul yığılması faktıdır. Məktəbdə açıq-aşkar bazar açılıb, şıdırğı alver gedir. Mənbənin bizə verdiyi məlumata görə, məktəbin direktoru Azad Əsgərov "Azərbaycan Dəmir Yolları" nın rəhbəri Cavid Qurbanovun qohumudur (Cavid Qurbanovun bibisinin kürəkənidir).
Görən, məktəbdə yığılan bu pullardan Kəlbəcər Təhsil Şöbəsinin müdiri Fazil müəllimə də haqq çatırmı?
Artıq məsələ Təhsil Nazirliyinin nəzarətinə götürülüb, yaxın günlərdə rüşvət mənbəyinə çevrilən bu məktəbdə yoxlama aparılıb. Əldə etdiyimiz məlumata görə, məktəbin direktoru Azad Əsgərov və rayon Təhsil şöbəsinin müdiri Fazil müəllim tutduqları vəzifələrindən kənarlaşdırılacaq.
Qarşı tərəfin mövqeyini dərc etməyə hazırıq.