Son günlər adı “Tərtər işi” kimi keçən, hərbçilərimizə qarşı məlum işgəncə olayı ilə bağlı müzakirələr genişlənir. 2017- ci ilin may ayında Azərbaycanın 1-ci ordu korpusunda baş verənlər, zərərçəkmiş şəxslərin səsləndirdikləri faktlar ortaya çıxdıqca adamı lap şoka salır.
"Demokratik.Az" bildirir ki, Tərtər Hərbi Məhkəməsinin bir sıra hökmündə də yer alan tükürpədici detallar N saylı hərbi hissənin Tərtərdə yerləşən köhnə Qərargah binasının 2-ci mərtəbəsində işgəncə cihazları ilə təmin edilmiş xüsusi otaqlarda Azərbaycanlı əsgər və zabitlərə dövlətin adından və gücündən istifadə edərək bir qrup yüksək vəzifəli şəxsin (!?) necə xüsusi amansızlıq və qəddarlıqla işgəncə verərək onları öldürməsini təfsilatlı şəkildə sadalanır. Eləcə də, ötən gün "LAF_TV"nin qonağı olan, həmin hadisələrdə işgəncəyə məruz qalmış və başına gələnləri danışan tanınmış kəşfiyyatçı Elnur Fərzəliyevi dinlədikcə 2017-ci ildə Tərtərdə nələrin baş verdiyini anlamaq çətin deyil.
Kəşfiyyatçı Elnur Fərzəliyevin LAF TV-yə müsahibəsini təqdim edirik: