Akif Təvəkküloğlu yeni vəzifəyə təyin olundu

1-11-2021, 11:41           
Akif Təvəkküloğlu yeni vəzifəyə təyin olundu
Milli Məclisin keçmiş mətbuat katibi, Əməkdar jurnalist Akif Təvəkküloğlu yeni vəzifəyə təyin olunub.

Teref.az saytı xəbər verir ki, Bakıvaxtı.az-ın məlumatına görə, Akif Təvəkküloğlu Azərbaycan Respublikası Həmkarlar İttifaqları Konfederasiyasının Mətbuat xidməti və İctimaiyyətlə əlaqələr şöbəsinə rəis təyin olunub.
Qeyd edək ki, Həmkarlar İttifaqları Konfederasiyasının keçmiş mətbuat katibi Nazim Ağamirov idi, o bu yaxınlarda dünyasını dəyişib.


Akif Təvəkküloğlu 2006-2020-ci illərdə Milli Məclisin mətbuat katibi vəzifəsində işləyib.

Akif Təvəkkül oğlu Nəsirov 1962-ci il dekabrın 1-də İmişli rayonunda anadan olub. Orta məktəbi 1979-cu ildə bitirib.
1981-ci ildə Azərbaycan Dövlət Universitetinin kitabxanaşünaslıq və biblioqrafiya fakültəsinə daxil olub. 1986-cı ildə həmin fakültəni fərqlənmə diplomu ilə bitirib. 1986-cı ildən 1991-ci ilədək Azərbaycan Dövlət Kitab Palatasında filial müdiri, sonra isə şöbə müdiri vəzifələrində çalışıb.

Jurnalist karyerasına 1991-ci ildə "Molla Nəsrəddin" jurnalından başlayıb. Daha sonra fəaliyyətini televiziyada davam etdirib və 2006-cı ilədək Azərbaycan Dövlət Teleradio Verilişləri Şirkətində müxtəlif vəzifələrdə çalışıb.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.