Namizədləri yaradan və ya sıradan çıxaran, habelə kampaniya ilinin hər hansı digər gecəsindən daha çox nümayəndə qazandıran "Super Çərşənbə Axşamı başa çatıb". On beş ştat və ABŞ ərazisi Demokratlar və Respublikaçılar Partiyasından prezidentliyə namizədlər üçün praymeriz və kokuslar keçirib. Bundan sonra nə olacaq?

Bu, prezidentlik kampaniyasında ən böyük gecə olub, Respublikaçılar tərəfindən keçmiş prezident Donald Tramp qalib gəlib.

“Biz Amerikanı əvvəlkindən daha böyük, yenidən möhtəşəm edəcəyik. Çox sağ olun. Böyük gecə oldu."

Keçmiş prezident çərşənbə axşamı başqa bütün ştatlarda qalib gəlib və yüzlərlə nümayəndə ilə rəqibi Nikki Heyliyə liderlik edib.

Keçmiş BMT səfiri çərşənbə axşamı Vermontda, həftə sonu isə Vaşinqtonda qalib gəlib.

“Bunu sizin uşaqlarınız, uşaqlarım və nəvələrimiz üçün edirəm" , Heyli deyib.

Demokratlar tərəfində isə Amerika Samoasını itirməsi istisna olmaqla, Super Çərşənbə axşamı günü prezident Co Bayden qalib gəlib. Prezident amerikalılara sualla müraciət edib: İrəliləməkdə davammı edəcəyik, yoxsa Donald Trampın bizi geri çəkməsinə yol verəcəyik?

Heyli ümid edirdi ki, daha çox seçici, hətta Demokratlar belə ona səs verəcəklər. Lakin strategiyanı qəbul etmək üçün kifayət qədər ilkin seçici toplamaq onun üçün çətin oldu.

Virciniyalı seçicisi Şay Seqall bunu düşünsə də, Baydenə səs verib.

“Bu seçkilərdə mənim əsas narahatlığım Amerikanın qorunub saxlanmasıdır, yəni mənim gördüyüm Donald Tramp olmayan liderlikdir. Deməli, bu, prezident Co Baydeni dəstəkləməkdir, ya da daha mötədil Respublikaçıya səs verməkdir, hər iki halda məqsədə nail olmaq mümkündür".

Req Mitçell razılaşmır.

“Donald Tramp daha dörd il, əgər bunu edə bilsək. İlk dördü mənim fikrimcə yaxşı keçdi”.

Keçmiş və indiki prezidentlərin yaşları gənc seçiciləri həvəsdən salır. İlk dəfə səs verən Dona Mendez Demokrat Mariann Uilliamsonu seçib.

"Mənə elə gəlir ki, Bayden daha dörd il ölkəni idarə etmək üçün çox qocadır və ofisdə müxtəlifliyin, xüsusən də ilk qadın prezidentin olması gözəl olardı."

Bu qələbə ilə keçmiş prezident Donald Tramp gələn çərşənbə axşamı daha dörd ştatda səsvermə zamanı Respublikaçıların namizədliyini təsdiqləmək üçün kifayət qədər nümayəndə toplaya bilər.