Gürcüstan DİN: Tbilisidə parlament yaxınlığında keçirilən mitinq zamanı bir polis əməkdaşı xəsarət alıb.
İqtisadiyyat.az xəbər verir ki, bu barədə ölkənin ölkənin Daxili İşlər Nazirliyi məlumat yayıb.

“Etirazçıların bir qismi hüquq-mühafizə orqanlarının əməkdaşları ilə qarşıdurmaya girib, onları sözlə təhqir edib, işıqlandırma qurğularını və digər avadanlıqları zədələyib. Həmçinin elektrik naqillərini yandırıblar”,- deyə nazirliyin bəyanatında bildirilib.

Etirazlar Gürcüstanın Baş naziri İrakli Kobaxidzenin ölkənin Avropa İttifaqına üzvlük üçün danışıqların başlanması məsələsinin 2028-ci ilə qədər təxirə salınması ilə bağlı qərarını açıqlamasından sonra başlayıb.