Azərbaycanda ən yüksək və ən aşağı seçici fəallığı olan dairələr açıqlandı
1-09-2024, 15:46
Saat 10:00-a olan məlumata əsasən, seçici fəallığının ən yüksək olduğu dairə 109 saylı Qazax seçki dairəsidir.
Tribunainfo.az xəbər verir ki, həmin seçki dairəsindən 17.7 faiz seçici (8646 nəfər) indiyədək səsvermə hüququndan istifadə edib.
Saat 10:00-a olan məlumata görə, seçici fəallığının ən aşağı olduğu dairə isə 43 saylı Sumqayıt ikinci seçki dairəsidir.
Bu seçki dairəsində seçici fəallığı 2.4 faiz (1169 nəfər) olub.
Qeyd edək ki, bu gün Azərbaycanda növbədənkənar parlament seçkiləri keçirilir.
