Bitərəflərin və azlığın vitse-spiker postuna namizədləri müəyyənləşib

Musa Qasımlı Milli Məclis sədrinin müavini postuna namizəd olub. AYNA-nın xəbərinə görə, parlamentdəki bitərəflərin bu gün keçirilən iclasında Musa Qasımlının namizədliyi dəstəklənib.

Eyni zamanda, Rafael Huseynov Milli Məclis sədrinin müavini postuna namizəd olub. Parlamentdəki azlığın bu gün keçirilən iclasında Rafael Huseynovun namizədliyi dəstəklənib.

Qeyd edək ki, parlamentdə azlıqda yer alan müxalifət partiyaları arasında ən çox deputat mandatını Vətəndaş Həmrəyliyi Partiyası qazanıb. VHP-ni parlamentdə Rafael Hüseynov, Fəzail İbrahimli və Tənzilə Rüstəmxanlı təmsil edir.

Qeyd edək ki, bu gün VII Çağırış Milli Məclisin ilk iclası da keçiriləcək. Milli Məclisin yeni tərkibdə ilk iclasında parlamentin sədri və onun müavinləri seçiləcək. (APA)

Xatırladaq ki, sentyabrın 21-də Konstitusiya Məhkəməsi Plenumunun xüsusi Konstitusiya icraatı üzrə iclasında VII çağırış Milli Məclisə keçirilmiş seçkilərin nəticəsi təsdiqlənib.