Astronomlar noyabr ayında Yerə yaxınlaşacağı ehtimal olunan müəmmalı qalatikalararası obyekt kəşf ediblər. Bəzi fərziyyələrə görə, bu, Yerə hücum planlaşdıran potensial "düşmən gəmisi" ola bilər.

Bu barədə "New York Post" nəşri Harvard astrofiziklərinə istinadən məlumat yayıb.

Bildrilir ki, bu fərziyyə doğru çıxarsa, onun nəticələri bütün bəşəriyyət üçün fəlakətli ola bilər.

Tədqiqatçılar sözügedən obyekti iyulun 1-də kəşf ediblər. İlkin müşahidələr göstərir ki, o, diametri 24 kilometrə qədər çatan kometa ola bilər.

Alimlər bunun yerdənkənar casus texnologiyasının maskalanmış nümunəsi olduğunu ehtimal edirlər.

Uçan naməlum obyekt haqqında nəzəriyyə elmi ictimaiyyətdə tənqid və şübhə ilə qarşılanıb. Digər astronomların qənaətincə, hər şey bunun başqa bir günəş sistemindən atılan adi kometa olduğunu göstərir.