İmamın adını həbs edilən CHP-li professor Əli Akdemir açıqlayıb

Türkiyə polisi tərəfindən saxlanılan Cümhuriyyət Xalq Partiyasından olan (CHP) Kocaeli vilayətinin təhsil katibi vəzifəsində çalışan professor Əli Akdəmir FETÖ-nün Azərbaycan imamının adını açıqlayıb.

Türkiyə KİV əsas diqqəti Əli Akdəmirin mütəmadi olaraq Azərbaycanda olmasına və Bakıda FETÖ-nün Azərbaycan imamı kimi təqdim edilən Qafqaz Universitetinin keçmiş rektoru Əhmət Sanıç ilə tez-tez görüşməsinə yönəldib.

Bildirilir ki, Akdəmir keçmiş rektorla müəyyən iş birliyi həyata keçirə bilər. Əli Akdəmirin FETÖ ilə bağlantılarının dərinliyi araşdırıldıqdan sonra həbs edilməsi növbəsi Əhməd Sanıça da çatacaq.

İstiPress-in Türkiyə KİV-nə istinadən verdiyi xəbərə görə , tez-tez Azərbaycanda olan Ə.Akdəmir İstanbul prokurorluğunun təlimatı ilə keçirilən əməliyyatlar zamanı saxlanılıb və İstanbul Baş polis idarəsinə təhvil verilib.

Hazırda Akdəmirin FETÖ/PYD terror təşkilatı ilə hansı bağlantılarının olduğu araşdırılır.

Əli Akdəmir və Əhməd Sanıç eyni konfransda
Türkiyədə 2013-cü il 17-25 dekabrda keçirilən əməliyyatlardan sonra Əhməd Sanıç Qafqaz Universitetinin rektoru vəzifəsindən azad edilib. Universitet Azərbaycan Dövlət Neft Şirkətinin nəzarətinə verilib.