“Bu, tarixdə üstü örtülən ən pis hadisədir”.

Musavat.com-un məlumatına görə, bu sözləri ABŞ prezidenti Donald Tramp Camal Kaşıkçının ölümü ilə bağlı danışarkən deyib. ABŞ prezidenti Kaşıkçının qətli ilə bağlı Ağ Evdə jurnalistlərin suallarını cavablandırıb. O, bildirib ki, Kaşıkçı ilə bağlı bütün gerçəklər açığa çıxandan sonra qərar verəcək. Tramp qeyd edib ki, Kaşıkçı hadisəsi ilə bağlı digər ölkələrin də prezidentləri ilə danışıb və baş verənlər rəhbərləri məyus edib.



Qeyd edək ki, Səudiyyəli jurnalist Camal Kaşıkçı oktyabrın 2-də sənəd işləmləri üçün Səudiyyə Ərəbistanının İstanbuldakı Konsulluğuna getmiş və daha sonra ondan xəbər alınmamışdı. Daha sonra Səudiyyə Ərəbistanı jurnalistin konsulluqda öldürüldüyünü təsdiqləmişdi.