Çinin şərqindəki Yançen şəhər dairəsində "Tyançzay" kimyəvi zavodda baş verən partlayışdan sonra 16 yerli xəstəxanaya 640 nəfər zərərçəkmiş çatdırılıb.

"Report" "RİA Novosti"yə istinadən xəbər verir ki, bu barədə əyalət hökumətinin məlumatında bildirilir.

Qeyd edilir ki, onlar müxtəlif dərəcəli bədən xəsarətləri alıblar. Partlayış zamanı 44 nəfər həlak olub.

Yaralılara zəruri tibbi yardım üçün əraziyə 90 tibb maşını, 3,5 min nəfər həkim cəlb edilib.