Ermənistanın Sünik vilayətində ZİL-131 markalı hərbi yük maşını qəzaya uğrayıb.

Publika.az Ermənistan KİV-inə istinadən xəbər verir ki, hadisə nəticəsində 18 hərbi qulluqçu yaralanıb.

Hadisə Meğri-Sirani avtomobil yolunun 22-ci kilometrliyində baş verib. Avtomobil yolun hərəkət hissəsindən çıxaraq qayaya çırpılıb və aşıb.

Ermənistan Müdafiə Nazirliyinin mətbuat katibi Artsrun Ovannisyan hadisənin səbəblərinin araşdırıldığını bildirib.