Hindistanda qadın veterinarın zorlandıqdan sonra diri-diri yandırılması ölkədə qalmaqala səbəb olub. Sonxeber.az-ın məlumatına görə, 27 yaşlı qadına qarşı edilən bu vəhşi cinayətdən sonra minlərlə etirazçı polis idarəsinin qarşısına yığılıb. Polisdən isə 3 məmurun işdən qovulduğu bildirilir.
Veterinar ötən çərşənbə günü itkin düşüb. Onun meyiti isə yandırılmış şəkildə tapılıb. Polis qadının kütləvi zorlanmadan sonra öldürüldüyünü açıqlayıb. İstintaq çərçivəsində 4 nəfər saxlanılıb. Onlardan ikisinin ailəsi cinayətləri sübuta yetirilsə, övladlarının cəzalandırılmasını tələb edib.