Çində koronavirus qurbanlarının sayı artıb.

“Report” TASS-a istinadən xəbər verir ki, bu barədə Çin Xalq Respublikasının Gigiyena və Səhiyyə məsələləri üzrə Dövlət Komitəsi məlumat yayıb.

Bildirilir ki, koronavirusdan ölənlərin sayı 2 912 nəfərə çatıb. Son gün ərzində 42 nəfər virusdan ölüb.

Məlumata görə, ölkədə 44 mindən çox insan sağalaraq xəstəxanalardan evə buraxılıb. Hazırda Çində koronavirusa yoluxanların sayı 80 min nəfəri ötüb.