Rusiyanın Omsk şəhər sakini çörək qırıntıları ilə azyaşlı qızını öldürdüyünə görə 11 il həbs cəzasına məhkum edilib.

KONKRET.az xəbər verir ki, bu barədə məlumatı RİA Novosti agentliyi yayıb.

Prokurorluq 28 yaşlı qadına 13 il həbs cəzası istəyib.

Qadın üç yaşlı qızını öldürdüyünü boynuna almayıb və deyib ki, uşağı onun sevgilisi öldürüb.

İstintaqa görə, iki uşağın anası sərxoş olarkən bulka yeyən qızının üstünə qışqırıb və zorla onun ağzına çörək qırıntıları soxub. Nəticədə uşaq boğulub və ölüb.

Qızın cəsədi evdən çıxarılıb və sevgilisi tərəfindən torpağa basdırılıb.

Uşağın cəsədi hələ tapılmayıb, çünki qadının sevgilisi həmin insidentdən az sonra spirtdən zəhərlənərək vəfat edib.