İtaliyanın Messina şəhərində yaşayan Antonio de Paçe adlı oğlan koronavirusa yoluxduğuna inanaraq sevgilisini boğub. Sonra isə intihara cəhd edib.

KONKRET.az xəbər verir ki, bu haqda məlumatı “New York Post” nəşri yayıb.



28 yaşlı de Paçe özü polisə zəng edərək Lorena Quarantanın qətlini etiraf edib.

Hadisə yerinə gələn hüquq-mühafizə orqanlarının əməkdaşları oğlanın intihar etməsinin qarşısını alıblar. O, xəstəxanaya yerləşdirilib, həyatı üçün heç bir təhlükə yoxdur. Ancaq qızı xilas ola bilməyiblər.

Oğlan hüquq-mühafizə orqanlarının əməkdaşlarına sevgilisinin onu koronavirusa yoluxdurduğuna görə öldürdüyünü söyləyib.



Sonradan gənclərin testlərinin mənfi olduğu məlum olub.

27 yaşlı Lorena Messina Universitetinin tibb Fakültəsində oxuyub.