"Neft amilindən asılı olan ölkələr əziyyət çəkəcəklər"
Nyu-Yorkun "Nymex" əmtəə birjasında WTI markalı ABŞ neftinin may fyuçers qiymətləri mənfiyə düşüb.

İqtisadçı ekspert Fuad İbrahimov Sputnik Azərbaycan-a deyir ki, hazırda dünya neft bazarında təlatümlər yaşanır:

“Buna neft sahəsində bazar fiaskosu deyə bilərik. Vəziyyətin düzgün qiymətləndirilməməsi, OPEC+ danışıqları və koronavirus pandemiyası buna gətirib çıxarıb. Qiymətlər təbii yolla tənzimlənməyincə, bu xaotik vəziyyət davam edəcək. Hazırkı proses neft idxal edən ölkələr üçün əlverişlidir. İqtisadiyyatları neft amilindən asılı ölkələr bu vəziyyətdən əziyyət çəkəcəklər”.