Azərbaycan Respublikası Prezidentinin Administrasiyasının sabiq rəhbəri, AMEA prezidenti Ramiz Mehdiyev sahibi olduğu villalardan birini satışa çıxarıb.

Yenisabah.az xəbər verir ki, Mehdiyevin satmaq istədiyi dədbdəbəli mülk Göyçay rayonunun Üngütlü kəndindədir. Villa 4 hektar ərazidə yerləşir. Hər tərəfdən 6 metr hündürlükdə hasarla əhatə olunub. Satış qiyməti 2,5 milyon manatdır. Villanın ərazisində vertolyot enmək üçün xüsusi meydança var.

Məlumatlı şəxsin dediyinə görə, villanı akademikə 2015-ci ildə sabiq Nəqliyyat naziri Ziya Məmmədov hədiyyə edib. Üngütlü kəndində Məmmədovun özünün də dəbdəbəli villasının olduğui bildirilir.

Mənbə deyib ki, Ramiz Mehdiyevin Göyçayın Çayarxı kəndində 10 hektar nar bağı da olub. Amma vəzifədən uzaqlaşdırılandan sonra həmin bağı hazırda Moskvada yaşayan məşhur iş adamı Fərhad Əhmədova satıb. “Ramiz müəllim villanı almaq üçün Fərhad Əhmədova ismarıc yolladı. Amma nədənsə biznesmen həmin villanı almaqdan imtina etdi”, - deyə müsahibimiz bildirib.