Kəlbəcərdəki Söyüdlü(Zod) qızıl mədəninin Ermənistan tərəfdə qalan hissəsində işləyən erməni fəhlələr mədənə aparan yolu bağlayıblar.

Moderator.az xəbər verir ki, bu haqda qəsbkar ölkə mediası məlumat yayıb.

Xəbərdə deyilir ki, 10 Noyabr razılaşması imzalandıqdan sonra mədənin böyük hissəsi Azərbaycana verilib. Bundan sonra işçilər 4 ay maaş almayıblar. Fəhlələrin xeylisi də ixtisar edilib.

“Geqarkunik mərzindəki onlarla yaşayış məntəqəsinin mədəndə işləyən sakinləri gündəlik çörəkpulu problemini həll edə bilmədikləri üçün Ermənistanı tərk etməyə hazırlaşırlar. Piketçilər rəhbərliklə görüş tələb edirlər”- xəbərdə belə deyilir.