Mayın 28-də İstanbul (Bosfor) Boğazında xam neft daşıyan tankerdə baş verən qəza ilə əlaqədar gəmilərin hərəkəti müvəqqəti olaraq dayanıb.

APA-nın yerli bürosunun Türkiyə mediasına istinadla xəbərinə görə, Xorvatiya bayrağı altında üzən “Rava” adlı 249 metr uzunluqda olan tankerdə yaranan nasazlıq nəticəsində sürətə nəzarət itib.

“Qurtarma-8 Römorkör” və Sahil Təhlükəsizliyi Ümumi Müdirliyinə məxsus sürətli qurtarma qayığı hadisə yerinə yönəldilib. Tanker sahildən 300 metrədək məsafədə dayandırılıb.

Tanker ərazidən uzaqlaşdırıldıqdan sonra gəmilərin fəaliyyəti yerli vaxtla 22.00-da bərpa olunub.