Batumidəki yaşayış binasının çökmə anın götüntüləri yayılıb. Bir neçə saniyənin içində yerlə yeksan olan binadan kimsənin qaçmaq imkanı olmayıb. Sadəcə yoldan keçənlər xilas olma imkanı qazanıblar.

Qeyd edək ki, Gürcüstanda sözügedən hadisə Batumi şəhərinin 26 may küçəsində yerləşən beşmərtəbəli binada baş verib.

Xəbər verdiyimiz kimi əraziyə xüsusi texnika, xilasedicilər və təcili tibbi yardım briqadaları cəlb olunub.

Binanın dağıntıları altından ikisi uşaq olmaqla 4 nəfər sağ tapılıb. Ərazidə axtarış-xilasetmə işləri davam etdirilir.

Qeyd edək ki, dağıntılar altında 15-ə yaxın insanın olduğu bildirilib.