Məmmədovla Avetisyanın “işbirliyi” 26 nəfəri öldürdü
21-10-2021, 12:38
Rusiyanın Yekaterinburq şəhərində 26 nəfərin keyfiyyətsiz içkidən zəhərlənməsi ilə bağlı 2 nəfər həbs olunub.
Teref.az Rusiya KİV-nə istinadən xəbər verir ki, metil spirtini vodka adı ilə satanlar Gürcüstan və Azərbaycan vətəndaşlarıdır. Onlar Sverdlovsk vilayətində 26 nəfərin ölümü ilə nəticələnən saxta içki partiyasını ticarət köşklərinə satmışdılar.
Oktyabrın 7-dən 20-nə qədər milliyətcə azərbaycanlı 54 yaşlı Nadir Məmmədov və milliyətcə erməni 42 yaşlı Armen Avetisyan həmin saxta içkiləri Yekaterinburq şəhərində satıblar. Bu zaman 26 nəfərin ölümü ilə yanaşı, 20-yə qədər insan da xəstəxanaya yerləşdirilib./modern.az/