Braziliyada təbii fəlakət 30 nəfərin həyatına son qoyub
29-05-2022, 09:41
Torpaq sürüşməsi nəticəsində 10 nəfərin öldüyü təsbit edilib
Son sutka ərzində leysan və torpaq sürüşməsi 30-dək insanın həyatına son qoyub. AYNA-nın xəbərinə görə, bunu Braziliyanın Pernambuk regionunun Mülki müdafiə xidməti açıqlayıb.
Səhər saatlarında torpaq sürüşməsi nəticəsində 10 nəfərin öldüyü təsbit edilib. Gün ərzində təbii fəlakət qurbanlarının sayı 30-a çatıb.
Yerli medianın xəbərinə görə, aramsız yağışlar minədək insanın təxliyə olunması ilə nəticələnib. Regiona sutka ərzində 246 mm yağıntı düşüb ki, bu da aylıq normanın 70%-nə bərabərdir.
