Yaponiyanın ən böyük və dünyada ikinci ən böyük tikinti maşın və avadanlıqları istehsalçısı olan Komatsu Rusiyanın hücumu nəticəsində dayandırılmış avadanlıqların Ukraynaya tədarükünü bərpa edib.

Marja.az xəbər verir ki, bu barədə bazar günü biznes qəzeti Nikkei məlumat yayıb.

Bildirilir ki, şirkət rəhbərliyinin təhlükəsiz hesab etdiyi Ukrayna regionlarına, xüsusən də paytaxt ərazisinə və ölkənin qərbinə çatdırılma bərpa edilib. Vurğulanır ki, Ukraynanın şərq hissəsinə, eləcə də Rusiya Federasiyası ərazisinə məhsulların tədarükü bərpa olunmayıb.