Şəhərin mərkəzi küçələrində son vaxtlar mal-qaranın açıq şəkildə, nəzarətsiz formada gəzməsi halları adiləşib. Bundan əvvəl də Avtosfer.az saytında Binəqədi rayonu ərazisində - Bakı-Şamaxı yolunda inəklərin yaşıllıqlarda otlaması barədə görüntülər yayımlamışdıq. Budəfəki görüntülərdə isə heyvanlar Qara Qara prospektində yolun ortasında sahibsiz hərəkət edir.

Qeyd edək ki, mal-qaranın yola sahibsiz buraxılmasına görə inzibati məsuliyyət nəzərdə tutulur. Bununla yanaşı, şəhərin mərkəzinə heyvanların bu formada nəzarətsiz buraxılması ümumiyyətlə, biabırçı mənzərədir. Ümid edirik ki, aidiyyatı qurumlar bunu nəzərə alacaq.