İyulun 28-i axşam saatlarında Rusiya Dneprdə çoxmərtəbəli yaşayış binasına hücum edib.

APA-nın UNİAN-a istinadla verdiyi xəbərə görə, iki güclü partlayış olub.

"Dnepr. Terrorçu dövlət çoxmərtəbəli yaşayış binasına raket zərbəsi endirib. Əməliyyat-xilasetmə xidmətləri insanların xilas edilməsi və nəticələrinin aradan qaldırılması üçün işə başlayıb. Bu, müharibə cinayətidir, müharibə qanunlarının və adətlərinin həyasızcasına pozulmasıdır. İcra edənlər və sifarişçilərmüharibə cinayətkarlarıdır. Onlar cəzalarını alacaqlar”, – deputat Aleksandr Bakumov yazıb.

Prezident Aparatının rəhbəri Andrey Yermak da Dneprdəki partlayışları “Rusiya terrorçuları” ifadəsi ilə şərh edib.

Raketin evin yuxarı mərtəbələrinə düşdüyü bildirilir. Çox sayda mənzil dağılıb və zədələnib.

Ölənlər barədə hələlik məlumat yoxdur.