Yerə doğru böyük asteroid uçur

3-04-2024, 00:01           
Yerə doğru böyük asteroid uçur
Asteroid aprelin 7-də Yer planetinin yanından keçəcək

122 metr diametrli 2024 FH2 asteroidi Yerə doğru uçur. AYNA bildirir ki, NASA-nın Reaktiv Sürət Laboratoriyasının məlumatına görə, asteroid aprelin 7-də Yer planetinin yanından keçəcək.

Asteroid saatda 71 min kilometrdən çox sürətlə hərəkət edərək Yerə 6,2 milyon kilometr məsafədə yaxınlaşacaq.

Asteroidin yaxınlaşma anında planetə olan məsafəsi və ölçüsü onu potensial təhlükəli kateqoriyaya aid etməyə əsas vermir.

NASA-nın məlumatına görə, 2024 FH2-nin Yerə son yaxınlaşması 1935-ci ildə olub və onun növbəti yaxınlaşması 2113-cü ildə olacaq.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.