"Norilsk Nikel”in direktorlar şurasının keçmiş sədri və “Tavriçeski” bankının direktorlar şurasının keçmiş üzvü Aleksandr Filipyev Moskvada ölü tapılıb.
RBC Daxili İşlər Nazirliyindəki mənbələrə istinadən xəbər verir ki, 69 yaşlı bankirin ölümü öz əcəli ilə olub .
Agentliyin məlumatına görə, meyiti onun həyat yoldaşı bir gün əvvəl aşkarlayıb. O, son bir neçə ildə ağır xəstə olub.

Bildirilir ki, Aleksandr Filipyev 1955-ci ilin fevralında Moskvada anadan olub. Əmək fəaliyyətinə SSRİ Dövlət Bankında başlayıb. Rusiyada bank sektorunun yaranmasının başlanğıcında dayanan şəxs kimi tanınır. 1993-cü ildə Filipyev sahibkarlar Mixail Proxorov və Vladimir Potanin ilə birlikdə Birləşmiş İxrac-İdxal Bankının (ONEXIM Bank) təsisçilərindən biri oldu. O, PJSC Rosbank İdarə Heyətinin sədri, Norilsk Nikel Direktorlar Şurasının sədri vəzifələrində çalışıb. 2015-ci ilin martında o, “Tavriçeski Bank”ın müvəqqəti administrasiyasına rəhbərlik edib, sonra idarə heyətinin sədri, sonra isə direktorlar şurasının üzvü olub.