Almaniyada iki qatar toqquşdu: Xəsarət alanlar var

11-06-2024, 11:04           
Almaniyada iki qatar toqquşdu: Xəsarət alanlar var
Almaniyanın Hannover şəhərində iki "S-Bahn" qatarı toqquşub.

Bu barədə şəhər polisi "X"də (keçmiş "Twitter") məlumat yayıb.

İnsident nəticəsində 10 nəfər yaralanıb. Onlardan birinin vəziyyəti ağırdır.

Məlumata görə, fövqəladə hadisə sərgi mərkəzinin ərazisində, dəmir yolu stansiyasının yaxınlığında baş verib. Toqquşma nəticəsində qatarlardan birinin maşinisti kabinədə sıxılmış vəziyyətdə qalaraq ağır bədən xəsarətləri alıb və xəstəxanaya yerləşdirilib. Daha 9 sərnişin yüngül xəsarət alıb.

Zərərçəkənlər arasında uşaqlar da var.

Qeyd edilir ki, qatarların toqquşmasının səbəbləri hələ ki məlum deyil.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.