ABŞ-nin Yeloustoun Milli Parkında hidrotermal partlayış (isti su və buxarla birlikdə yerin bir neçə metr hündürlüyünə yeraltı qrunt atılması) baş verib.
Yeniavaz.com xəbər verir ki, hadisə baş verən yerdə ziyarətçilər olub.
Bildirilir ki, partlayış nəticəsində xəsarət alan olmayıb.
Yeloustoun administrasiyası bölgədə vulkanik fəaliyyətin normal olduğunu, lakin parkın partlayışın baş verdiyi hissəsinin müvəqqəti olaraq ictimaiyyətə bağlandığını vurğulayıb.
Qeyd edək ki, Yeloustoun, yerdən müntəzəm olaraq su və buxar sütunları buraxan dünyanın aktiv geyzerlərinin yarısından çoxuna ev sahibliyi edir, lakin park üçün hidrotermal partlayış nadir hadisədir.