Azərbaycan və Ermənistan sərhədçiləri arasında insident

25-07-2024, 11:22           
Azərbaycan və Ermənistan sərhədçiləri arasında insident
Ermənistan-Azərbaycan sərhədinin demarkasiyasından sonra Kirantsda Azərbaycan və Ermənistan sərhədçiləri arasında iki insident yaşanıb.

TEREF Publika.az-a istinadla xəbər verir ki, bu iddianı “Hraparak” yayıb.

Bildirilir ki, hadisə yeni salınan yolun yaxınlığında qeydə alınıb. Sərhəd müəyyənləşdikdən sonra dövlətlərarası yolun bir hissəsi olan Kirantsa gedən körpü Azərbaycan tərəfinə təhvil verilib və yeni, alternativ yolun tikintisinə başlanılıb.

Ermənilərin iddiasına görə, Azərbaycan tərəfi yolun sərhəd pozuntusu ilə çəkildiyini əsas gətirərək etiraz ediblər.

“Hayastan” fraksiyasının deputatı Qarnik Danielyan “Hraparak”a məlumatı təsdiqləyib. “Kirants sakinlərindən öyrəndim ki, ötən gün Kirantsa gedən yeni yolda insident baş verib. Azərbaycan sərhədçiləri gəlib erməni sərhədçiləri ilə mübahisə edib və bildiriblər ki, yeni salınan yolun bir hissəsi Azərbaycan torpaqlarından keçir. Dünən və ondan bir gün əvvəl Kirants sakinləri azərbaycanlıların əkdikləri buğdanı necə biçdiklərinin şahidi olublar”, – deyə deputat bildirib












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru