Avstriyada Motsartın adına şokolad istehsal edən zavod bağlanıb

7-12-2024, 15:24           
Avstriyada Motsartın adına şokolad istehsal edən zavod bağlanıb
"Mondelez" qənnadı korporasiyası bəstəkar Volfqanq Amadey Motsartın adını daşıyan məşhur "Motsartkugel" şirniyyatlarının bir əsrdən çox istehsal olunduğu Zaltsburq şəhəri ətrafında yerləşən zavodun fəaliyyətini dayandırıb.

Bu barədə Avstriyanın "Kurier" nəşri məlumat yayıb.

Qeyd olunur ki, zavod cümə günü şirniyyat istehsalı ilə bağlı 127 illik tarixinə son qoyaraq fəaliyyətini dayandırıb. Koronavirus pandemiyasının yaratdığı maliyyə problemləri səbəbindən müəssisə əvvəlki istehsal həcmlərini bərpa edə bilməyib. Əgər 2021-ci ilə qədər zavod ildə 12 min tona qədər məhsul istehsal edirdisə, son illərdə bu həcm bir tona qədər azalıb.

"Motsartkugel" resepti "Mondelez"in mülkiyyətində qalacaq. Şirkət istehsalı Polşa və ya Çexiyadakı fabriklərə köçürmək imkanını nəzərdən keçirir.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru