"Fortnite Pro" oyunçusu "MrSavage" kimi tanınan Foss Andersen oyun tarixindəki ən uzun sərrast atışa görə Ginnesin Rekordlar Kitabına düşüb. O, monitordan bir kilometr aralıda oturaraq düşməni məhv etməyi bacarıb.

Bu barədə UNIAN yazıb.

Bu qeyri-adi uğura nail olmaq üçün Andersen Norveçdəki Lofoten adalarına səyahət edib, kompüterini quraşdırıb və ekrandan bir kilometr uzaqlaşıb.

Oyunda nə baş verdiyini görmək üçün o, 100x böyüdücü teleskopdan istifadə edib. Ekstremal şəraitə baxmayaraq, "MrSavage" atışı uğurla həyata keçirərək adını Ginnesin Rekordlar Kitabına daxil edib.

Qeyd edək ki, Andersen "Fortnite" e-idman oyununun veteranlarından biri kimi tanınır.