Cammu və Kəşmirin Hindistanın nəzarətində olan hissəsində silahlıların açdığı atəş nəticəsində ən azı 28 turist həlak olub.
"The Gurdian" xəbər verir ki, insident turistlər arasında populyar olan Baysaran vadisində baş verib.

Bildirilir ki, bir qrup silahlı şəxs sıx meşəlik ərazidən çıxaraq turistlərə atəş açıb.

Yaraqlılar hadisəni törətdikdən sonra ərazidən uzaqlaşa biliblər. Hücum yeri mühasirəyə alınıb, polis silahlıların axtarışı üzrə əməliyyata başlayıb.