Mayın 14-də NATO aviasiyası və Estoniya Hərbi Dəniz Qüvvələri (HDQ) Qabon bayrağı altında Rusiyanın Primorsk şəhərinə gedən "JAGUAR" mülki gəmisini neytral sularda ələ keçirməyə cəhd ediblər.

Oxu.Az "İzvestiya" nəşrinə istinadla xəbər verir ki, Estoniya hərbçiləri gəmini beynəlxalq suları tərk edərək ölkənin ərazi sularına getməyə məcbur etməyə çalışıblar. Orada Tallinin "JAGUAR"ı saxlamağa tam hüququ olacaqdı.

Qeyd olunur ki, Baltikyanı respublikanın dənizçiləri mülki gəmiyə təsir etməklə hədələməyə başlayıblar və iki dəfə helikopterdən desant endirməyə cəhd ediblər.

Lakin "JAGUAR" ekipajı Primorska istiqamət alaraq, əvvəlki marşrutu izləməyə davam edib.