Liverpulda avtomobili izdihamın üzərinə çırpan 53 yaşlı Böyük Britaniya vətəndaşı olub.
Bu haqda şəhər polisinin yaydığı məlumatda deyilir.

"Həbsdə olan şəxsin Liverpul bölgəsində yaşayan 53 yaşlı ağdərili britaniyalı olduğunu təsdiq edə bilərik. Hazırda toqquşmaya səbəb olan bütün şərtləri müəyyən etmək üçün geniş araşdırmalar aparılır", - polis bildirib.

Böyük Britaniyanın Baş naziri Keir Starmer "X"də səhnələrin dəhşətli olduğunu və hadisələrlə bağlı daima məlumatlandırıldığını qeyd edib.

Starmer sosial mediada bildirib ki, "Liverpuldakı səhnələr dəhşətlidir. Mən polisə və fövqəladə hallar xidmətlərinə bu şok hadisəyə sürətli və davamlı reaksiyalarına görə təşəkkür etmək istəyirəm".