Gündəlik bir ovuc qoz yemək yaddaş və beyin funksiyalarını yaxşılaşdırır. Bu barədə diyetoloq Anastasiya Qalitskaya “Rossiyskaya Qazeta”ya açıqlama verib. Mütəxəssis qeyd edib ki, qozun tərkibində omeqa-3 yağ turşuları və antioksidantlar yüksəkdir.Bu maddələr sinir hüceyrələrinin bərpasını sürətləndirir və stress hormonlarını azaldır. “Qoz beynin qan dövranını gücləndirir və depressiya riskini azaldır”, – deyə həkim vurğulayıb. Onun sözlərinə görə, ən yaxşı nəticə üçün gündə 5-7 ədəd qoz yetərlidir. Mütəxəssis xəbərdarlıq edib ki, həddən artıq qəbul allergiya və mədə problemlərinə səbəb ola bilər.Uzunmüddətli yaddaş gücləndirmə və konsentrasiya üçün bu sadə vərdiş faydalıdır.