ABŞ-nin "Tesla" şirkəti 15 aprel-20 aprel 2025-ci il tarixləri arasında Kaliforniya ştatının Fremont şəhərində istehsal olunmuş 172 ədəd "Model Y" avtomobilini geri çağırır.

İnterfaks.ru- nun xəbərinə görə, bu barədə ABŞ-nin Avtomobil Yollarında Hərəkətin Təhlükəsizliyi üzrə Milli Administrasiyasından (NHTSA) məlumat verilib.

Məlumata görə, bu avtomobillərdə bir və ya hər iki ön şüşəyuyan qurğunun forsunkaları şlanq birləşməsindəki qüsur səbəbindən işləməyə bilər. Bu nasazlıq yuyucu mayenin ön şüşəyə düzgün çatdırılmamasına, nəticədə sürücünün görmə imkanlarının pisləşməsinə və qəza riskinin artmasına səbəb ola bilər.

Qeyd edilir ki, bu məsələ ilə bağlı indiyədək hər hansı yol-nəqliyyat hadisəsi qeydə alınmayıb.