Asim Mollazadə maliyyə çətinliyi ilə bağlı yayılan xəbərlərə aydınlıq gətirdi
30-01-2017, 15:18
Azərbaycan Demokratik İslahatlar Partiyasının sədri, deputat Asim Mollazadə maliyyə çətinliyi ilə üzləşməsi və buna görə də öz ofisindən çıxarılması ilə bağlı xəbərləri təkzib edib. teref.az xəbər verir ki, millət vəkili AzNews.az-a verdiyi açıqlamada Nəsimi rayonunda yerləşən ofisindən çıxma səbəbini ofisinin sahiblərinin planlarının dəyişməsi əlaqəli olduğunu bildirib. “Bu xəbərlər hamısı şaiyədir. Ofisin yerləşdiyi binanın sahibləri öz planlarını dəyişiblər. Hazırda yeni ofisimizin yerini müəyyənləşdirib, köçməyə hazırlaşırıq.” Bu gün yerli mətbuatda millət vəkili Asim Mollazadənin maliyyə çətinliyi ilə üzləşək ofisindən çıxması barədə xəbərlər yayılıb.